Policia e Matit ka vënë në pranga një 52-vjeçar të shpallur më herët në kërkim, pasi akuzohet se ka qëlluar me armë gjahu në ajër gjatë një konflikti.
Ngjarja ka ndodhur më 17 shtator, kur shtetasi F.H., banues në fshatin Drita, pas një debati verbal me një 63-vjeçar, dyshohet se ka përdorur armën si formë kanosjeje.
“Shërbimet e Komisariatit të Policisë Mat kapën shtetasin në kërkim policor F.H., 52 vjeç, banues në fshatin Drita, Mat, dhe më pas filloi procedimi penal ndaj tij, pasi më datë 17.09.2025, është konfliktuar me fjalë me shtetasin M.K., dhe më pas dyshohet se ka qëlluar në ajër me armë gjahu, me qëllim kanosjen e tij”, informoi sot policia.
Discussion about this post