Qëlloi me armë ndaj fëmijëve, shpallet në kërkim 49-vjeçari nga Shkodra (Emri)

Një ngjarje e rëndë ka tronditur mbrëmjen e djeshme Shkodrën, ku një 49-vjeçar qëlloi me armë zjarri në drejtim të një grupi fëmijësh.

Ndërkohë detaje të reja janë zbardhur. Mësohet se Agron Mahmuti (Mehmeti), është shpallur në kërkim.

Ngjarja ka ndodhur në qendër të Shkodrës, ku 49-vjeçari, i cili lëvizte me biçikletë, është afruar pranë vendit të quajtur “Lapidari” ku po rrinin fëmijët dhe në rrethana të paqarta, ka qëlluar me pistoletë në drejtim të tyre.

Fatmirësisht fëmijët e kanë pikasur personin dhe janë larguar me shpejtësi, duke shmangur një tragjedi të mundshme. Plumbi fatmirësisht nuk ka prekur asnjë nga fëmijët, teksa ka përfunduar në pjesën e pasme të një kondicioneri në një lokal aty afër.

Sipas burimeve ky person, ka goditur me qytën e pistoletës një nga fëmijët. Në vendin e ngjarjes u  gjet 1 gëzhojë, ndërsa po punohet për kapjen e autorit.