Qëlloi me thikë bashkëmoshatarin, arrestohet 17-vjeçari në Fier

Një 17 vjeçar në Fier është vendosur në pranga pasi një natë më parë plagosi me thikë në këmbë një 16 vjeçar.

“Në vijim të informacionit paraprak të dhënë mbrëmjen e djeshme ku është dëmtuar me mjet prerës në këmbë një 16-vjeçar, shërbimet e Komisariatit të Policisë Fier kanë organizuar punën për identifikim e autorit të dyshuar dhe pas disa orësh kërkim, bënë të mundur kapjen dhe shoqërimin e 17-vjeçarit nga lagja “Mbrostar Ferko”, Fier”, njoftoi policia.

I riu e qëlloi me thikë 16 vjeçarin, teksa ky i fundit po shëtiste qenin në lagjen ‘8 Shkurti’ .

Raportohet se 16-vjeçari, ndodhet në spital në kujdesin e mjekëve, jashtë rrezikut për jetën.