Detaje të reja kanë dalë nga hetimi për ngjarjen e një nate më parë në Divjakë ku një 50 vjeçar qëlloi me armë gjahu në ajër. Shpëtim Konja tashmë i arrestuar u përfshi në një konflikt verbal me Astrit Godancin, sipas policisë, për motive të dobëta.
Burime nga komisariati i Divjakës bënë të ditur se Konja ishte i dehur kur nisi konfliktin. Po këto burime thanë se Konja dhe Godanci kanë qënë shokë të ngushtë. Por mbrëmjen e së martës ata kana sharë dhe fyer njëri tjetrin deri në përdorimin e armës nga ana e 50 vjeçarit Konja.
Për shuarjen e konfliktit ka ndërhyrë vëllai i 50 vjecarit zarif konja por shpëtimi nuk është ndalur duke e goditur me grusha. Më pas ai ka nxjerrë armën e gjahut që kishte në makinë, ka shtënë disa herë në ajër dhe drejt automjetit të shokut të tij, astritit. Pas kësaj Zarif Konja dhe Astrit Godanci u larguan duke lajmëruar policinë. Kjo e fundit mori dëshminë e 50 vjeçarit i cili në gjëndje të dehur tha se e kishte sulmuar vëllai dhe shoku i tij.
Por mëngjesin e sotëm ai ndryshoi deklaratën e tij duke treguar se agresori ishte vetë ai dhe se kishte kanosur, fyer dhe goditur vëllain dhe bashkëfshatarin e tyre, astrit godancin. 50 vjeçari u arrestua dhe mbi të rëndojnë tre akuza, dhuna në familje, shkatërrim i pronës dhe kanosja. Kurse Astrit Godanci po ndiqet në gjëndje të lirë për veprën penale dëntime të tjera me dashje. Prokuroria e Fierit po vazhdon hetimin për zbardhjen e plotë të rrethanave të ngjarjes.
Discussion about this post