Një 74-vjeçar ka qëlluar me armë zjarri një çift, duke vrarë një 50-vjeçar dhe plagosur bashkëshorten e tij. Krimi i rëndë ka ndodhur në sy të fëmijëve të mitur të çiftit.
Ngjarja e rëndë ka ndodhur mëngjesin e sotëm në Agios Panteleimon në Greqi. Mediat greke shkruajnë se i moshuari ka qëlluar me armë zjarri ndaj çiftit në sy të fëmijëve 11 dhe 14 vjeçar, duke vrarë burrin dhe plagosur rëndë bashkëshorten e tij.
Sipas informacioneve, 74-vjeçari dhe çifti jetonin në një pallat dhe kanë qenë së bashku në një shëtitje. Pasi janë kthyer ka pasur një konflikt mes tyre. 74-vjeçari kishte konsumuar shumë alkool dhe pretendonte se çifti i kishte futur diçka në pije.
74-vjeçari u arrestua ndërsa e plagosura u dërgua në spitalin Gennimatas.
Discussion about this post