Policia e Shkodrës ka nxjerrë detajet në lidhje me ngjarjen e ndodhur në Malësinë e Madhe, ku është qëlluar me armë zjarri në drejtim të një banese në lagjen “Peraj”, në fshatin Bajzë.
Sipas policisë, ngjarja ka ndodhur në orët e para të mëngjesit të sotëm, ku një person ka qëlluar me armë drejtë murit rrethues të banesës së L.K. Në momentet kur është qëlluar me armë zjarri në drejtim të murit rrethues të banesës, brenda saj ka qenë vetëm djali i familjes, 19-vjeçari me inicialet, L. K.
Mësohet se denoncimi është bërë nga pronari i banesës. Ngjarja raportohet nga policia e cila thotë se ka nisur hetimet për sqarimin e rrethanave të ngjarjes.
Grupi hetimor, nën drejtimin e Prokurorisë, po vijon punën për sqarimin e plotë të rrethanave të ngjarjes.
Discussion about this post