Mbi 3000 ankesa kanë mbërritur në Qendrën e Mbrojtjes së Konsumatorëve për rritjen e çmimeve të produkteve. Lajmin e ka bërë të ditur Hasan Stafa drejtues në këtë qendër, i cili tha se pas 15 tetorit do të ngrihet një taks forcë për të kontrolluar tregun.
“Monopoli po dominon. Kanë mbërritur 3063 ankesa”, thotë i ankesave Qendra për mbrojtjen e Konsumatorit.
“Kemi marrë kontakte me Autoritetin e Konkurrencës dhe autoritetet e pushtetit lokal. Kemi ngritur grupet e përbashkëta të monitorimit të tregut për të shmangur spekulantët. Rritja e çmimit do të reflektohet nëse ka rritje në tregun ndërkombëtar por pas datës 15 tetor një task -forcë kombëtare do të menaxhojë spekulimin me çmimet, me peshën e bukës e masat për energjinë”, tha Stafa.
Stafa thotë se pas dy javëve do të bie dhe çmimi i karburanteve, të paktën me 14 %.
