Kuvendi ka nisur sot sesionin e ri parlamentar, ndërsa Lulzim Basha nuk ka humbur kohë për të njoftuar administratën e Parlamentit se është kryetar i Grupit Parlamentar të PD-së. Vetëm dy ditë, pas Kuvendit Kombëtar, që miratoi ndryshimet statutore në PD-në zyrtare, duke mandatuar Kryetarin e partisë edhe si kryetar të grupit, Basha ka njoftuar për pozicionin e ri që do të ketë gjatë këtij sesioni. Njoftimi është bërë nga Lindita Nikolla, Kryetare e Parlamentit, ndërsa deputetët e kanë pritur me të qeshura, përfshi këtu edhe Gazment Bardhin, që ndodhej në krah të Lulzim Bashës. Ky i fundit ka ruajtur seriozitetin, ndërsa ka nisur një debat disa sekonda me Gazment Bardhin, ndërsa në foltoren e Kuvendit po mbante bnjë fjalim ish-Kryeministri Sali Berisha.
Sipas raportimeve, Lulzim Basha i është drejtuar Gazment Bardhit duke i thënë që të mos bëjë sherr, por të marrë fjalën si kreu i grupit.
“Më prano një këshille, mos bëj sherr, por merr fjalën si kryetar grupi dhe kaq”, i është drejtuar Basha, Bardhit.
Por ky i fundit është përgjigjur duke i thënë: “shko more qesharak! Hipokrit”.
“Je bërë qesharak”, ka qenë reagimi i Bashës, ndërkohë që Bardhi ia ka kthyer “qesharak je bërë ti kokë e këmbë”.
Pas këtyre replikave, Bardhi ka marrë fjalën në Kuvend duke paralajmëruar Lindita Nikollën se duhet të bëjë llogaritë mirë nëse do të pranojë që kreun e Grupit Parlamnentar të PD-së do e caktojë Edi Rama, Erion Veliaj apo administrata e Kuvendit.
Ndërsa në një reagim për mediat, Bardhi tha se Basha duhet të sigurojë mbështetjen e 19 deputetëve nëse ka ambicie për tu bërë kryetar i Grupit Parlamentar.
“Deri në ditën kur do të kem besimin e shumicës së deputetëve të PD do të jem në këtë detyrë. E ripërsëris apelin tim. Nëse zoti Basha ka ambicie për t’u bërë kryetar i grupit, po të sigurojë 18 vota, vota e 19 do të jetë e Gazment Bardhit. E siguroj për këtë, se kaq borxh ia kam Bashës kaq gjë”, tha Bardhi.
Ndërkohë, Lulzim Basha e konsideron Gazment Bardhin si të shkarkuar nga posti i Kreut të Grupit Parlamentar.
”Beteja jonë është për qytetarët. Duhet të punojmë dhe t’iu shërbejmë njerëzve.
Prej ditës së djeshme me hyrjen në fuqi të satutit, janë marrë vendimet përkatëse, por për të shuar kureshtjen tuaj dua ta deklaroj hapur që si kreu i PD dhe i ngarkuar edhe me detyrën e krut të grupit, kam ndërmend ta delegoj këtë detyre te një nga nënkryetarët e grupit, siç ka qenë përherë.
Thirrja ime për çdo deputet është që tani është momenti të shohim përtej interesave personale, përtej frikërave që mund të ketë shkaktuar konflikti, se në fund të fundit janë shprehur mbi 4 mije delegatë të PD dhe ata janë një fuqi reale”, tha Basha.
Discussion about this post