Kanë përfunduar 45 minutat e para të finales së Europa Conference League, mes Fiorentinës dhe West Ham United.
Asnjëra nga skuadrat nuk ka mundur që të zhbllokojë rezultatin në takimin që po luhet në Eden park të Pragës.
Pjesa e parë u karakterizua nga mbrojtjet e vëmendshme të të dyja skuadrave. Një moment që prishi bukurinë e kësaj finale, ishte kur lojtari i Fiorentinës, Biragi, u godit me shishe plastike nga tifozët anglezë, me arbitrin që duke parë kokën e gjakosur të italianit, mendoi fillimisht që të ndërpriste finalen, megjithatë çdo gjë u kthye në normalitet.
Në minutat shtesë, u duk sikur rezultati u zhbllokua, por VAR i ndërpreu festën Fiorentinës, duke anuluar golin e shënuar Jovic, i cili ishte në pozitë jashtë loje. Me këtë episod u mbyll pjesa e parë.
Në pjesën e dytë, pritet që të dy ekipet të jenë më kërkuese përsa i përket gjetjes së golit.
Discussion about this post