Kryeministri Edi Rama di se si t’i shpenzojë taksat e qytetarëve në të mira personale, kjo gjë dihet fare mirë. Në të njëjtën kohë ai është i zoti për të gjetur justifikime. Së fundmi, në vend shpërtheu një debat i madh për zhdukjen e “Lincoln” me të cilën lëvizte Rama. Si me magji, ai u shfaq me një automjet luksoz të markës “GMC”, i cili llogaritet në një vlerë rreth gjysmë milioni euro. E thënë në mënyrë tjetër Edi Rama udhëton me makinë 500 mijë euro.
Automjeti në fjalë është më luks të plotë madje sipas informacioneve i personalizuar.
Ai ka dy ndenjëse VIP me mbështetëse këmbësh, sediljet janë italiane, rimeso me dru arre origjinale. Tavani është i ndriçuar dhe është i gjithi me lëkurë kastori. Makina nga brenda duket si avion privat luksi. E gjitha kjo “mrekulli” është në dispozicion të tij.
Rama e përgënjeshtroi menjëherë lajmin duke thënë se ajo ishte e marrë me qira.
“Ai është marre pasi automjeti i mëparshëm ne përdorim te Kryetarit te PS, nuk plotësonte me standardet e lëvizjes për shkak te amortizimit si pasoje e vjetërsisë dhe numrit te madh te kilometrave te krye”, sqaronte asokohe Kryeministria.
Duke lënë mënjanë për disa çaste automjetin luksoz, dyshime të tjera janë dhe për tenderin e riparimit të një automjeti të blinduar. Drejtoria e Shërbimeve Qeveritare ka hapur një procedurë prokurimi për riparimin e një automjeti i cili është i blinduar dhe fondi limit është 3,490,866.67 (tre milionë e katërqind e nëntëdhjetë mijë e tetëqind e gjashtëdhjetë e gjashtë pikë gjashtëdhjetë e shtatë) lekë pa TVSH.
Duket qartë se ku shkojnë taksat e qytetarëve shqiptarë, në shërbim të kryeministrit Edi Rama. Automjeti në fjalë, sipas burimeve dyshohet se është i tij, pasi siç qarkulloi lajmi pak kohë më parë, makina e kryeministrit është me defekt.
Sa i vështirë qenka riparimi i makinës së Ramës?
Riparimi i saj duket i pamundur, sa e ka detyruar për të marrë një automjet me qira. Për të qëndruar tek shuma në fjalë, gati 3 milionë e gjysmë lekë. Me një shumë të tillë, jo vetëm mund të riparohet një automjet, qoftë ai i blinduar apo jo, por mund të blesh disa të tilla. Nëse do të llogarisnim automjetet mesatare të shtetasve shqiptarë, me aq para mund të blihen mesatarisht 22 të tilla. Por, kur bëhet fjalë për kryeministrin, ai preferon luksin dhe shumat e mëdha, aq më tepër kur ai bëhet i mundur nga xhepat e qytetarëve shqiptarë. Në anën tjetër, këta të fundit nuk sigurojnë dot asgjë e më pas shkojnë në emigrim./E.G/Gijotina.com
Discussion about this post