Tri partitë e mëdha gjermane që pritet të formojnë qeverinë e re kanë nënshkruar sot një marrëveshje për koalicion, ku në fokus është edhe mbështetja e vendeve të Ballkanit Perëndimor për t’u in treguar në BE. Sipas informacioneve, Qeveria e re gjermane parashikon se do të lobojë në ndihmë të 6 vendeve ballkanike për të qenë sa më parë pjesë e Europës.
Konkretisht, marrëveshja propozon hapjen e kapitullit të parë të negociatave me Shqipërinë dhe Maqedoninë e Veriut, liberalizimin e vizave me Kosovën si edhe vazhdimin e negociatave për Malin e Zi dhe Serbinë. “Ne mbështesim integrimin evropian të 6 shteteve të Ballkanit Perëndimor dhe në këtë prizëm, nënkuptojmë të gjithë reformat e nevojshme për të përmbushur kriteret e Kopenhagënit”, shkruhet në dokument.
Sipas marrëveshjes, vëmendje e veçantë do t’i kushtohet edhe fuqizimit të shoqërisë civile. Dialogu mes Prishtinës dhe Beogradit i ndërmjetësuar nga BE ishte gjithashtu pjesë e programit të cilit qeveria gjermane do t’i ofrojë mbështetje, si edhe përpjekjet për të ruajtur një paqe afatgjatë në Bosnje Hercegovinë të bazuar në ruajtjen e integritetit territorial dhe vendosjen e urave lidhëse mes diferencave etnike.
Discussion about this post