Qeveria emëron 8 anëtarë të rinj të Bordit të AKU (Emrat)

Veç emërimit të drejtuesit të ri, Këshilli i Ministrave ka ndryshuar edhe përbërjen e anëtarëve të Bordit të Autoritetit Kombëtar të Ushqimit. Referuar vendimit, si anëtarë Bordi janë emëruar znj. Alma Çupi, si person publik nga fusha e medias dhe si përfaqësues shkencorë të fushave të ushqimit, ushqimit për kafshë, veterinarisë dhe mbrojtjes së bimëve:

-Znj. Erinda Lika, prof. asoc., pedagog në Fakultetin e Mjekësisë Veterinare;

– Z. Kapllan Sula, prof. dr., pedagog në Fakultetin e Bioteknologjisë dhe Ushqimit;

-Znj. Anila Kopali, prof. dr., pedagog në Fakultetin e Bioteknologjisë dhe Ushqimit;

– Z. Seit Shallari, prof. dr., pedagog në Fakultetin e Bujqësisë dhe Mjedisit;

– Z. Shpend Shahini, prof. dr., pedagog në Fakultetin e Bujqësisë dhe Mjedisit.

-Znj. Ersida Teliti, përfaqësues i shoqatave të konsumatorëve;

– Znj. Valentina Postoli, përfaqësues i shoqatave së agrobiznesit.

Në mbledhjen e fundit të qeverisë, si drejtuese e AKU-së është emëruar Jeta Deda, duke zëvendësuar në detyrë Bledar Skënderin.