Qeveria ka shtuar një benefit për ish-kreun e Kuvendit, Gramoz Ruci, duke i dhënë atij të drejtën të futet në zonën VIP të aeroportit. Në mbledhjen e zhvilluar ditën e sotme Këshilli i Ministrave ka bërë një ndryshim në ligjin, i cili përcakton personalitetet që mund të futen në zonën VIP të aeroporti. Sipas vendimit të publikuar, përveç ish-presidentit ky benefit i jepet edhe ish-kreut të Kuvendit, në këtë rast zotit Gramo Ruçit.
“Një shtesë në vendimin nr.420, datë 8.6.2016, të këshillit të ministrave, “Për miratimin e ceremonialit shtetëror të republikës së Shqipërisë”, të ndryshuar
Në mbështetje të nenit 100 të Kushtetutës dhe të nenit 17, të ligjit nr.43/2015, “Për shërbimin e jashtëm në Republikën e Shqipërisë”, me propozimin e ministrit për Evropën dhe Punët e Jashtme, Këshilli i Ministrave V E N D O S I: Në nënpikën 2.3, të pikës 2, “Përdorimi i sallës VIP të aeroportit”, të kapitullit V, të vendimit nr.420, datë 8.6.2016, të Këshillit të Ministrave, të ndryshuar, pas fjalëve “Ish-President i Republikës” shtohen “Ish-Kryetar i Kuvendit””, thuhet në vendim.
Me 12 qershor të këtij viti Gramoz Ruçi ka dhënë dorëheqjen nga funksionet në PS. Ai u tërhoq nga politika, pas një angazhimi 30 vjeçar.
E.H/ gijotina.com
