Deputeti i Partisë Demokratike, Ervin Salianji është takuar këtë pasdite me disa fermerë, duke vënë në dukje se qeveria nuk i ndihmon ata, pasi sipas tij çmimet e farave, plehrave kimikë dhe pesticideve janë rritur.
“Qeveria u është bërë barrë fermerëve, në bashkëpunim me kartelet ka rritur çmimin e farave, plehrave kimikë dhe pesticideve. Naftën e përdorën vetëm si instrument mashtrimi gjatë fushatës, taksën e tokës e rrisin çdo vit. Prodhimet në shumicën e rasteve hidhen në kanale ose shiten me çmim në kosto. Qeveria dhe përfaqësuesit e saj as nuk duken pas zgjedhjeve!”, shprehet Salianji në postimin e tij në Facebook.
Deputeti ka postuar një sërë fotosh ku është takuar me fermerë të ndryshëm në zonën e qarkut Korçë, ku ai më herët, ai kishte takuar qytetarë të ndryshëm për tu prezantuar propozimin e PD për uljen e TVSH-së për produktet e shportës nga 20% në 6%.
