Qeveria shqiptare firmosi sot Marrëveshjen e Financimit Për Mbështetjen e Sektorit të Energjisë me Agjencinë Franceze të Zhvillimit. Përmes kësaj marrëveshje Shqipëria mori kredi të butë 50 mln euro që do të mbështesë sektorin e energjisë, në vijim të reformës në këtë sektor.
Gjatë konferencës, ministrja e Financave, Delina Ibrahimaj, tregoi se përmes kësaj marrëveshje qeveria shqiptare do të marrë 50 mln euro kredi të butë që do të mbështesë sektorin e energjisë, në vijim të reformës në këtë sektor. Kjo kredi do të shërbej për konsolidimin e strukturës së OSHEE, ndarjen e tre operatorëve të OSHEE, të nxisë funksionimin e bursës së energjisë dhe krijimi i një tregu konkurrues për energjinë. Gjithashtu, ajo theksoi se është drejt finalizimit marrëveshja e kredisë për energjitikën me qeverinë gjermane.
“Kjo marrëveshje është në vazhdim të reformës së madhe të energjisë në bazë të zhvillimeve ndërkombëtare të energjisë: të modernizojë sturkturën, të ndajë 3 operatorët e OSHEE. Është në vijim një tjetër marrëveshje kredie e firmosur nga qeveria gjermane”, u shpreh Ibrahimaj.
Pavarësisht se pak muaj më parë qeveria deklaroi se vendi është në krizë energjitke dhe do duhet të blejë energji me çmim të lartë, vazhdon akoma të marrë kredi për të zgjedhur problemet që janë krijuara nga papërgjeshmëria e saj. Të dhënat në të fundit të publikuara nga OSHEE tregojnë se, Furnizuesi i Tregut të Lirë (FTL), një nga tre kompanitë furnizuese, ka blerë energji të mjaftueshme deri në 16 nëntor, por me çmime shumë të lartë. Të dhënat tregojnë se, vetëm për këtë periudhë që korrespondon me 3-16 nëntor FTL pjesë e OSHEE Group ka shpenzuar 38 milionë euro, me çmime që luhaten nga 240-280 euro/mwh. Çmimet e çmendura të energjisë që nisën në shtator të këtij viti nuk po duket të kenë ndonjë ulje edhe pse në ditë të caktuara në Bursën e Hungarisë ka nivele relativisht të ulëta në raport me shifrat 360 euro/ Mwh që pamë në tetor për oraret e pikut. E.H/ gijotina.com/
Discussion about this post