Qeveria ka marrë sot vendimin vlerën e bonusit që do të shpërndahet për pensionistët dhe familjet në nevojë. Drejtoresha e Përgjithshme e Buxhetit në Ministrinë e Financave dhe Ekonomisë, Mimoza Dhëmbi, tregoi në një konferencë për mediet se shuma 3 mijë lekë që do të shkojë për çdo familje që merr ndihmë ekonomike dhe ato që kanë persona me aftësi të kufizuara. Ndërkohë pensionistët do të marrin bonusin prej 5 mijë lekësh.
“Përveç bonusit prej 5 mijë lekësh për pensionistet, këtë vit do te jepet bonus prej 3 mije lekësh për familjet me ndihme ekonomike dhe për familjet që kanë persona me paaftësi. Vendimi pritet të miratohet sot në qeveri. Deri më tani nuk ka vendim për shpërblim për administratën”, tha ajo
Më tutje, ministrja e Shëndetësisë , Ogerta Manastirliu ka treguar se nga ky vendi përfitojnë 72 mijë individë me aftësi të kufizuara dhe pjesë e paketës së solidaritetit janë pensionistët. Fondi që qeveria ka vënë në dispozicion është 4 milionë dollarë pa përfshirë pensionistët. Konkretisht, 668 mijë pensionistë që përfitojnë nga paketa e miratuar sot, që arrin në vlerën 3.5 miliardë lekësh vetëm për pensionistët.
Discussion about this post