Në mbledhjen e qeverisë së kësaj të enjteje është marrë vendimi për mbylljen e platformës TikTok.
Ministrja e Arsimit, Ogerta Manastirliu, bëri të ditur se kufizimi do të jetë për një periudhë 12 mujore.
“Qeveria ka ndërmarrë një seri vendimesh të rëndësishme sot. Së pari, kemi marrë vendimin për shmangien e masave të përkohshme për shkak të vendimeve negative të platformës TikTok. Ne kemi zhvilluar një seri të gjerë konsultimesh me prindërit për efektet negative që mund të sjellin te fëmijët rrjetet sociale.
Kemi vendosur për mbyllje te përkohshme. Brenda pak ditësh ndërpritet aksesi. Kufizim aksesi për një periudhë 12 mujore që do na lejojnë kohën për marrjen e masave në bashkërendim me përfaqësuesit e TikTok. Është vendim që ka në fokus interesin e fëmijëve, të rinjve”, tha ndër të tjera ministrja.
Opozita shqiptare pati deklaruar se iniciativa e kryeministrit Rama për të mbyllut Tik Tok, nuk ka të bëjë aspak me faktin se në këtë platformë po pasqyrohen akte dhune dhe krimi, pasi krimi dhe korrpsioni tashmë po bëhët nga vetë qeveritarët dhe jo nga kjo platformë. Nuk e mbushi vendin me drogë dhe kanabis, Tik Tok-u por krerët e policisë në bashkëpunim me eprorët e tyre në qeveri. Korrupsionin nuk e solli Tik Tok por ministrat, kryebashkiakët dhe deri te drejtorët e emëruar nga ata.
Ndaj nga opozita ky vendim shikohet si një mbyllje e një platforme ku qytetarët shprehnin mendimet, ku shumë prej tyre nuk pajtoheshin me qeverisjen aktuale të vendit, pra është një iniciativë e Ramës nga frika që e ka kapluar për humbjen në zgjedhje.
Discussion about this post