Qeveria shqiptare nuk ndalet në planin e saj për të mbushur xhepat e kompanive që menaxhojnë inceneratorët në vend. Pak javë më parë kryeministri Edi Rama iu tërhoqi vëmendje kryebashkiakëve se kanë lënë pas dore pastrimin e mbetjeve urbane në të gjithë vendin, duke i thënë se duhet të mendojnë një plan për menaxhimin e mbetjeve.
Kujtojmë se në 2020 ish Ministri i Mjedisit Blendi Klosi i kërkoi bashkive që të përllogarisnin në buxhetet e tyre edhe fond për menaxhimin dhe depozitimin e mbetjeve. Deri më tani shumica e Bashkive në qarkun Tiranë, Durrës, Fier i kanë depozituar nëpërmjet një marrëveshjeje të qeverisë me landfillin e Klodian Zotos pa pagesë, por tanimë kontrata ka mbaruar, dhe bashkitë mbeten në ngërc përball këtij fakti, pasi nuk kanë para të paguajnë landfillin në vijim.
Disa nga bashkitë kanë kërkuar ndihmën e qeverisë, që t’iu garantojë edhe atyre me VKM një fond ashtu sikur bëri me bashkinë e Durrësit. Por, Rama nuk do t’ia di edhe nëse bashkitë do të paguajnë miliona lekë për të nënshkruar kontratë të re me inceneratorin. Në një takim të zhvilluar ditën e sotme mekryetarët e bashkive dhe prefektët e qyteteve bregdetare ai i ka paralajmëruar ata se do t’iu vendosë gjoba nëse nuk marrin masa menjëherë dhe çdo veprim ndaj shkeljeve do të meret nga Policia e Shtetit.
Sipas tij, gjoba do të vihen edhe për qytetarët që hedhin plehrat vend e pa vend dhe ndotin ambientin. “Është shumë e qartë që pastrimi ka një kosto që është më e lartë përgjithësisht se çfarë bashkitë i faturojnë qytetarëve dhe biznesit. Në vend që të fillojnë nga vetja, e fillojnë direkt me fjalinë ne paguajnë taksa bashkitë nuk na përgjigjen. Kontributet përmes tarifave të pastrimit të familjarëv3 dhe bizneseve janë në kostot e pastrimit për bashkitë. Kjo bën që nga njëra anë bashkitë të përballojnë me fonde ekstra nga ana tjetër të keni territore të pastruara edhe qeveria të jetë detyruar të rishikojë të gjithë skemën e funksionit të këtij procesi”, tha ai.
Nga ana tjetër, e pranishme në këtë takim, Ministrja Kumbaro treguar se javën e ardhshëm do të miratohen 2 VKM në lidhje me rregullat dhe se kush do të jetë përgjegjës për plazhet dhe se si do të monitorohet puna. Më tej, Kumbaro thotë se në buxhetin e këtij viti është miratuar një grant shtesë për ato bashki që në përputhje me ligjin bëjnë menaxhim nga koshi në pikën fundore. Por, ajo nuk ka treguar se nëse do të përfitojnë të gjitha Bashkitë apo vetëm ajo e Durrësit, Rrogozhinës dhe Kavajës që kanë ngritur këtë problematikë më parë. “Nëse më lejoni që të përmend disa nga problematikat. Kemi arritje por nuk kemi kohë të krenohemi me to, sepse duhet të përgatitemi për sezonin që vjen. Kauza e pastrimit është kombëtare, s’mund të jemi patriot nëse nuk duam territorin dhe nëse nuk e mirëmbajmë atë. Ju do të merrni të gjithë kryetarët e bashkive ditën e hënë, një letër ku janë të gjitha rregullat që do ndiqen këtë vit. Do miratohen 2VKM në lidhje me rregullat, kush është përgjegjës për plazhet, si do të monitorohet. Në buxhetin e këtij viti është miratuar një grand shtesë për ato bashki që në përputhje me ligjin bëjnë menaxhim nga koshi në pikën fundore”, tha Kumbaro.
Nga këto duket qartë qeveria po i shtynë bashkitë të firmosin kontratën e landfillin e Klodian Zotos, por këtë herë një kontratë me çmime të përcaktuara, që do mbushin xhepat e Zotos dhe do shtojnë barrën e qytetarëve. E.H/gijotina.com/
Discussion about this post