Në një konferencë për mediat, kryetari i Partisë së Lirisë, Ilir Meta ka akuzuar qeverinë se nxit grupet kriminale për të ndërmarrë akte të ndryshme. Meta tha se këto bëhen në mënyrë që të shfokusohet vëmendja e opinionit publik nga vjedhjet dhe korrupsioni ku janë të përfshirë qeveritarët. Meta tha se një nga qëllimet e Ramës është për të spostuar vëmendjen nga vjedhjet që ndodhin këtu.
“Letra iu drejtua Parlamentit pasi është institucioni kryesor në Shqipëri. Ka detyrim të kontrollojë qeverinë. Është përgjegjësi e Parlamentit që të përqendrohet në zgjidhjen e kësaj çështje. Të gjitha zhvillimet e mëpasshme, mund ta bëjnë kontributin e Begajt në të ardhmen. Pasi kryeministri ka marrë disa vendime të faktit të kryer, në mënyrë tinëzare për të ecur me faktin e kryer. Është detyrë e Parlamentit në radhë të parë dhe më pas e çdo institucioni. Kur diskutojmë për këtë çështje, të mos nxisim retorika kundër Greqisë. Një nga qëllimet e Ramës është për të spostuar vëmendjen nga vjedhjet që ndodhin këtu. Shpik një konflikt me Greqinë. Jam për të evituar edhe retorikën kundër Serbisë. Nuk na e ka fajin Vuçiçi që ky bëhet ogiç i Vuçiçit. Atij i ikën nga Serbia 1 për 1000 banorë. Ndërsa ne na ikin 10 në 1000 banorë. Ne nuk duhet të biem në lojërat e këtij. Qëllimi i këtij ky është, të shpiki konflikte, rrëmuja. Madje ka dhe të dhëna, që në bashkëpunim me grupe kriminale, kur ka ngjarje ku është e fokusuar qeveria e këtij dhe korrupsion, nxisin grupet kriminale për të bërë akte që të dalë në plan të parë kronika e zezë për të shfokusuar vëmendjen, mos u habisni për këto gjëra” – tha Meta.
Discussion about this post