Sekretarja e Burimeve Njerëzore e Partisë Demokratike, Greta Bardeli Gjoni, me anë të një postimi në “Facebook”, ka ironizuar qeverinë e re të “Rama 3”, e cila i cilëson si shërbëtorë të rinj me fytyra korruptive dhe që ndodhen aty vetëm për bakshishet e majme të mafies së inceneratorëve, PPP dhe Tenderave.
Më pas ajo vijon duke u shprehur se Zv. Kryeministri, Arben Ahmetaj duhet të ishte dorëzuar me pranga në derën e SPAK dhe jo të firmosë aferat në mungesë të kryeministrit. Gjithashtu ajo përmend edhe pjestarë të dosjes 184 dhe 339, siç janë Ulsi Manja dhe Dmian Gjiknuri, të cilët morën poste të rëndësishme në qeveri dhe në Partinë Socialiste.
Një tjetër temë të cilën ajo shkruan me keqardhje është edhe për gratë në qeveri. Greta thotë se Edi Rama i përdor gratë si fasada për të mbuluar pushtetin mizor e grabitës.
