Parlamenti ka miratuar ditën e sotme buxhetin e vitit 2022 pa marrë parasysh nisëm e PD për uljen e TVSH-së në ushqime me 6%. Në lidhje me këtë ka reaguar deputetja Jorida Tabaku, e cila shprehet se ky ishte një rast i paprecedent dhe se qeveria nuk mori aspak parasysh se 659 mijë banorë vuajnë sot për bukën e gojës. “Në një situatë të paprecedentë të rritjes së çmimeve, kur çdo qeveri po merr masa për të mbrojtur qytetarët dhe shtresat në nevojë, qeveria Rama refuzoi sot të miratojë masa nxitëse për konsumin dhe për familjet në nevojë.659 mijë individë sot janë në minimumin e jetesës. 40% e buxhetit familjar sot shkon për mbijetesë dhe ushqim, por qeveria rrëzoi nismën tonë për uljen e çmimeve, rriti taksat për fermerët dhe uli kompensimin”, tha ajo.
Sipas Tabakut, buxheti 2022 është hartuar në formën që Rama dhe oligarkër të mbushin më rehat xhepat e tyre dhe prandaj po rrit taksat për qytetarët dhe bizneset.Buxheti i miratuar sot formalizoi kapjen e shtetit, ligjet me porosi për klientët e qeverisë, Ulet taksa e karburantit për jahtet. Hiqet taksa për qumështin pluhur
Çfarë parashikon qeveria për qytetarët e zakonshëm dhe fermerët vitin e ardhshëm? Vetëm rritje çmimesh. Rritjen e TVSH-së në bujqësi, që do të sjellë rritjen e mëtejshme të çmimeve. Rritjen e taksës për gazin, që do të shtrenjtojë koston e jetesës për shqiptarët”, u shpreh Tabaku, duke thënë se, Edi Rama voton për të mbrojtur interesat financiarë të një grushti njerëzish.
Discussion about this post