Qeveria kërkon të rrisë taksat për disa kategori në 2022, në mënyrë që të mbulojë boshllëqet e krijuara nga neglizhenca në 2021. Sipas relacionit për buxhetin e viti 2022, ndryshimi i katër ligjeve kryesore (TVSH, Akciza, taksat kombëtare dhe tatimi mbi të ardhurat do të sjellë fitimin e 5.2 miliardë lekëve. E gjithë kjo vjen për shkak se, në vitin e shkuar janë humbur nga buxheti rreth 81,126 miliardë lekë ose 663,6 milionë euro vetëm nga përjashtimet e bëra pa kriter. Konkretisht, nga përjashtimet e TVSH- së janë humbur 77,6 miliardë lekë 634,7 milionë euro, ndjekur nga përjashtimet nga tatimi mbi fitimin me 20,66 milionë euro dhe përjashtimet nga akciza me 8.1 milionë euro.
Prandaj, qeveria ka hartuar për vitin që vjen një plan tjetër se si mund t’iu vjelë sa më shumë para taksapaguesve shqiptarë. Sipas relacionit, ndikimin më të madh në rritjen e të ardhurave do e ketë TVSH-ja që prek më së shumti sektorin e bujqësisë, ku nga heqja e rimbursimit të TVSH-së, rikthimi i TVSH-s 10% për inputet bujqësore dhe rritja e tavanit të investimit që përjashtohet nga pagesa e kësaj takse do i sjellin buxhetit të shtetit 2.42 miliardë lekë ose rreth 19.8 milionë euro.
Nga ndryshimet në ligjin e akcizës përfitimi do të jetë rreth 2 miliardë lekë ose 16.7 milionë euro, dhe do të vij kryesisht nga rritja e kësaj takse për duhanin dhe nënproduktet e tij dhe vendosja e taksës 6 lekë për gazin për të gjitha kategoritë që e përdorin. Pjesa tjetër do të sigurohet nga taksat kombëtare ku propozohet taksë 65 lekë për litër karburant që përdoret për furnizimin e jahteve.
Nga ana tjetër bizneset kanë dalë në deklarata kundër këtyre ndryshimeve për shkak se barra e madhe do të bie mbi ndërmarrjet e vogla, të cilat në këto momente kanë nevojë për mbështetje.
Discussion about this post