Lajmi i disa ditëve më parë, që aktori Genc Fuga kishte pësuar një goditje në tru na tronditi të gjithëve. Ishte bashkëshortja e tij, Eni Fuga e cila e bëri me dije lajmin e trishtë, duke dalë para publikut me një apel për ta ndihmuar të siguronte shumën për operacionin që duhej kryer.
Kolegë, artistë e shumë qytetarë të thjeshtë u bënë bashkë dhe të gjithë kontribuan me vlera të ndryshme monetare, duke bërë të mundur që Genci t’i nënshtrohej operacionit. Po, qeveria shqiptare çfarë bënte gjatë kësaj kohe, kur në fakt ndërhyrje të tilla duhen kryer në QSUT pa pagesë? Bënte sehir.
Pasi gjithë populli u bë bashkë për këtë kauzë, më në fund pas pilafit u kujtua edhe qeveria jonë të miratonte një fond prej 2 mln lekë të reja për aktorin.
një javë më parë qeveria shqiptare ishte shumë e gatshme kur dërgoi për kurim jashtë shtetit dhe mori përsipër 30 mijë euro shpenzime mjekësore për zëvendësministren e Shëndetësisë, Mira Rakacolli. Kjo shifër rrodhi nga Fondi i Sigurimit të Detyrueshëm të Kujdesit Shëndetësor.
Ndërsa aktorin Genc Fugën e lanë në mëshirë të shëndetësisë shqiptare, ndërsa tani pas pilafit “bëjnë shfaqjen” e tyre sikur po marrin përsipër të gjitha shpenzimet.
Discussion about this post