“Bëj si them unë por mos bëj si bëj unë” është fraza që e shoqëron qeverinë në çdo vendim qesharak që merr. Prej më shumë se 3 muajsh kryeministri, ministra dhe vartësit e tij kanë alarmuar qytetarët shqiptarë për krizën në vend.
Vetëm fati i taksapaguesëve të rregullt shqiptar, nuk dihet kur vjen puna të rritja e çmimeve, ndërsa pagat vijojnë të jenë minimale. Por duket se këtë “hall” e ka marrë në dorë kryeministri me një laps e letër live në rrjete sociale duke bërë llogaritë e 3 milionë banorëve.
Ndërsa vartësit e tij apelojnë që në këtë kohë krize qytetarët të “kursehen” me shpenzimet. Por mesa duket kriza duhet të ndalojë çdo shpenzim të pa domosdoshëm, por jo atë të luksit qeveritar.
Janë plot 283,063,243 lekëve të reja, ose rreth 2.8 miliardë lekë të vjetra që do të përdoren për mobilimet në 5 institucione.
Në tenderin e hapur me numër reference REF-23823-04-02-2022 nga Agjencia e Blerjeve të Përqendruara për llogari të 5 institucioneve shtetërore për të rregulluar ambientet e punës, do të harxhohen rreth 2.8 miliardë lekë të vjetra.
Ministria e Drejtësisë kërkon 3,546,661 për të mobiluar zyrat. Po sipas procedurës të siguruar nga gijotina.com, theksohet se mobilimi i zyrave të Policisë së Shtetit kërkon me afat marrëveshje 45,830,125 (dyzetë e pesë milion e tetëqind e tridhjetë mijë e njëqind e njëzetë e pesë)
Ndërsa ajo e burgjeve do të “shijojë” luksin e zyrave të mobiluara pasi ka kërkuar 2,491,822 (dy milion e katërqind e nëntëdhjetë e një mijë e tetëqind e njëzetë e dy) lekë pa TVSH.
Gjithashtu edhe zyrat në Komandën e Forcës Tokësore do të mobilohen me orendi të reja, pasi ka kërkuar 83,330,103 (tetëdhjetë e tre milion e treqind e tridhjetë mijë e njëqind e tre) lekë (pa TVSH)
Ndërsa Qendra Spitalore Nënë Tereza kërkon jo pak por 147,864,531 lekë të reja ose rreth 1.4 miliardë lekë të vjetra për të mobiluar zyrat e doktorëve dhe infermierëve.
Përveç “ryshfeteve” tani uniformat e bardha të spitalit “Nënë Tereza” do të shijojnë edhe luksin e mobilieve akull të reja.
Pra, rreth 2.8 miliardë lekë të vjetra do të dalin nga buxheti i shtetit për blerje marramendëse luksi. Hapja e këtyre procedurave tenderuese vjen në një kohë kur buxheti i shtetit është duke u përballur me një serë emergjencash kriza energjetike si dhe rritja e çmimeve të ushqimeve dhe karburantit. A.L/ gijotina.com.
Discussion about this post