“Qeveria të bëjë kujdes”, BB në Shqipëri paralajmëron: Inflacioni do të ndikojë te të varfrit

Emanuel Salinas, menaxheri i Bankës Botërore në Shqipëri, në konferencën për zhvillimet ekonomike, ka bërë një deklaratë shqetësuese lidhur me rritjen e inflacionit në vend. Në fjalën e tij, ai deklaroi se inflacioni do të vijojë të rritet dhe kjo do të ndikojë më së tepërmi tek të varfrit.

Salinas ka theksuar se pasiguria ekonomike do të vijojë të jetë prezentë dhe në muajt në vijim. Sipas tij, qeveria duhet të bëjë kujdes me shpenzimet si dhe duhet të ketë një vëmendje të shëruar ndaj personave më të cenueshëm e që janë në rrezik varfërie.

Nga ana tjetër ekonomistja e Bankës Botërore në Shqipëri, Hilda Shijaku ka theksuar se inflacioni ka goditur bizneset por edhe qytetarët.