“Qeveria të jetë sa më pranë njerëzve”, OSBE mbështet Kuvendin për Reformën Territoriale

Kryetarja e delegacionit i OSBE në Shqipëri, Clarisse Pasztory mbështet punën e nisur nga Kuvendi për hartimin dhe implementimin e Reformës Territoriale. Në takimin me deputetët dhe ekspertët, u zotua për vijimin e mbështetjes.

“Mbështetja jonë për Kuvendin dhe Komisionin e Posaçëm të reformës territoriale vijoi edhe ditën e sotme. Zv. Kryetarja e Prezencës së OSBE-së në Shqipëri, Clarisse Pasztory, u zotua për vijimin e mbështetjes teknike për reformat territoriale dhe administrative në një takim me anëtarët e Komisionit, si edhe me ekspertë të brendshëm dhe të jashtëm.

Ajo e vuri theksin në rëndësinë e afrimit të proceseve të qeverisjes vendore pranë qytetarëve: “Decentralizimi ka të bëjë me afrimin e qeverisjes, vendimmarrjes dhe shërbimeve pranë njerëzve, i cili matet jo vetëm me metra, por gjithashtu me efikasitetin dhe efektivitetin”. Theksi u vu gjithashtu edhe tek rëndësia e organizimit të një konsultimi të gjerë publik në lidhje me këtë reformë”, thuhet në reagim.