Në çdo vit raportohen problemet e shumta që hasin qytetarët për çështje pronash edhe kur paraqiten në Kadastër për të gjetur zgjidhje. Problematikat janë nga më të ndryshme, por më shumti gabime dhe falsifikime në dokumente. Madje në muajt e fundit janë bërë shumë denoncime dhe arrestime të punonjësve të Kadastrave, për shkak të abuzimit që bëjnë me dokumentacionet. Qeveria jonë në vend që të merret më shumë me këto çështje, mendon se si t’i japë sa më shumë para këtyre institucioneve që mbajnë rekord për abuzimet.
Në mbledhjen e zhvilluar ditën e sotme, Këshilli i Ministrave ka vendosur që të japë 652 milionë lekë për procesin e dixhitalizmit të sistemit që mbart të dhënat në Kadastra. “Në mbështetje të nenit 100 të Kushtetutës, me propozimin e Zëvendëskryeministrit, Këshilli i Ministrave vendosi t’i shtohet fondi prej 652. 000. 000 lekësh, në formën e transfertës në artikullin 604, për Agjencinë Shtetërore të Kadastrës, me qëllim mbulimin e shpenzimeve për projektin “Digjitalizimi i të dhënave kadastrale të pasurive të paluajtshme”. Efekti financiar, prej 652. 000 .000 lekësh, të përballohet nga fondi rezervë i buxhetit të shtetit, i miratuar për vitin 2021”, thuhet në vendim.
Kur është prezantuar fillimisht ky projekt qeveria tha se nuk do të ketë kosto shtesë, por i gjithë projekti do bëhet për të reduktuar kostot dhe zvarritjet e qytetarëve. Por, në fakt kjo vlerë marramendëse që do shpenzohet për këtë projekt po nga xhepat e taksapaguesve do të mblidhet, ndërsa këta të fundit vazhdojnë të zvarriten për çështjet e pronave. E.H./Gijotina.com/
Discussion about this post