Një e moshuar që ka folur në protestën e mbajtur sot në Elbasan kundër çmimit të naftës, ka reaguar e indinjuar me kryeministrin Edi Rama. Ajo u shpreh se Rama është një “drogmen” dhe sipas saj ajo është e gatshme ta “vrasë” nëse dikush i jep një armë.
“Këtu nuk më as rini e as pleqëri, varfëria është në kulm. Mjerë popullin e shkret qa e ka gjetur me një drogmen që është në dorën e atij. Atë po se nuk e hoqi qafe njeri, bini nanës një sniper ta vras mu në lule të ballit”, tha ajo.
Qytetarët e Elbasanit janë ngritur ditën e sotme në protestë duke kundërshtuar rritjen e çmimit të naftës. Ata u mblodhën në sheshin kryesor të qytetit në orës 11:00 dhe përreth një orë protestuan paqësisht.
I pranishëm në protestë ishte dhe nënkryetari i Partisë Demokratike, Luçiano Boçi dhe zyrtarë të tjerë lokalë të kësaj partie. Qytetarët fikën makinat dhe kërkuan ulje të çmimit të hidrokarbureve dhe mbështetje nga qeveria për të përballuar krizën ekonomike.
Discussion about this post