Ra në pranga pas sulmit në Gramsh, zbulohet lidhja e 33-vjeçares me shërbimet sekrete ruse

Dalin detaje të reja nga sulmi i paprecedentë ndaj dy ushtarëve shqiptarë në uzinën e armëve në Gramsh.

Burime bëjnë me dije se një nga shërbimet inteligjente të huaja partnere të vendit tonë, pas ngjarjes së Gramshit i kanë dhënë informacione autoriteteve shqiptare se shtetasja ruse Svetlana Timofeeva që u arrestua në Gramsh dyshohet të jetë e përfshirë në një rrjet spiunazhi rus.

Këto shërbime kanë informacione sekrete se kjo shtetase ka lidhje me persona që janë pjesë e shërbimeve sekrete ruse.

Gjithashtu burime pranë Prokurorisë së Elbasanit bëjnë me dije se dy shtetasit rusë dhe shtetasit ukrainas që tentuan të futen në uzinën e Gramshit do të hetohen për tre vepra penale që lidhen me spiunazhin dhe pjesëmarrjen në celula spiunazhi.