Pak pas njoftimit të Policisë së Shtetit se rënia e sistemit TIMS mbrëmjen e djeshme është bërë nga vetë Policia me qëllim përmirësimin e performancës, nuk ka vonuar shumë dhe sistemi ka rënë sërish në aeroportin e Rinasit duke krijuar radhë të gjata.
Gijotina.com ka siguruar një foto nga aeroporti ku shihen qytetarët që presin në radhë, madje disa prej tyre kanë humbur fluturimin pasi sistemi është jashtë funksionit.
Sistemi TIMS ra në të gjitha pikat kufitare ditën e djeshme duke nisur aludimet për një sulm tjetër kibernetik nga hakerat iranianë. Fillimisht probleme hasi pika kufitare në Kakavijë e më pas nisi tek të gjitha të tjerat. 12 orë pas ngjarjes, Policia e Shtetit ka reaguar duke thënë se ka qenë vetë ata që kanë ndërhyrë me qëllim përmirësimin e performancës së sistemit TIMS, por sot e kundërta ndodhi dhe sistemi ra sërish.
Discussion about this post