Radhë të gjata trafiku në sensin e lëvizjes Astir-Pallati me Shigjeta

Radhë të gjata automjetesh dhe kaos trafiku janë shkaktuar që në orët e para të mëngjesit në rrugët e kryeqytetit.
Punimet që po kryhen në Unazën e Re në Tiranë kanë shkaktuar radhë të gjata trafiku. Kjo për shkak se po punohet për ngushtimin e korsive.

Problematike për momentin dhe aksi që ka shkaktuar radhë të gjata trafiku është sensi i lëvizjes, nga zona e Astirit në drejtim të Pallatit me Shigjeta. Policia Rrugore e Tiranës ka reaguar lidhur me trafikun e rënduar në zonën e Unazës së Re në Tiranë, ku kërkon mirëkuptimin e drejtuesve të mjeteve. Kjo situatë ka ardhur për shkak të punimeve dhe si pasojë e kësaj ka ngarkesë në qarkullimin e automjeteve nga Astiri në drejtim të pallatit me shigjeta, hyrja për në Tiranë.

“Për shkak të punimeve, në Unazën e Re ka ngushtim të korsive dhe si pasojë e kësaj ka ngarkesë në qarkullimin e automjeteve nga Astiri në drejtim të pallatit me shigjeta, hyrja për në Tiranë. Policia Rrugore e Tiranës kërkon mirëkuptimin e drejtuesve të automjeteve që të përdorin edhe rrugë të tjera alternative”, njofton policia.