Radoiçiç u plagos nga sulmi terrorist në Kosovë?

Media boshnjake Istraga.ba, pretendon se serbi Millan Radoiçiç, njëri nga krerët e Listës Serbe, është plagosur gjatë sulmit të mbrëmshëm terrorist në veri të Kosovës.

Istraga.ba raporton se në disa tentime kanë provuar të bien në  kontakt me Radoiçiç.

Gjatë një bisede telefonike, një person i panjohur del në numrin e tij të telefonit duke pretenduar se “nuk është Radoiçiç”.

Megjithatë më vonë gjatë shkëmbimit të mesazheve, i njëjti person ka konfirmuar se Radoiçiç është mirë.

Ky medium raporton se Radoiçiç gjendet për shërim në Serbi, derisa dokumentet e tij janë gjetur nga policia e Kosovës në mjetet e sekuestruara.

Në sulmin e mbrëmshëm terrorist në veri të Kosovës, është vrarë një pjesëtar i Policisë së Kosovës, ndërsa një tjetër është plagosur.