Mino Raiola zbulon se Matthijs de Ligt ishte afër bashkimit me Bayern Munich dhe paralajmëron Juventusin për interesin e mundshëm të bavarezëve për Paul Pogba.
Kontrata e mesfushorit francez me Manchester United skadon në fund të sezonit dhe Juventusi është ndër klubet e interesuara për nënshkrimin e tij si lojtar i lirë në verë.
Megjithatë, konkurrenca për nënshkrimin e yllit francez do të jetë e ashpër, me shumë klube të interesuara, përfshirë Bayern Munich.
Sipas agjentit të lojtarit Mino Raiola, bavarezët janë i vetmi klub gjerman që mund të përballojë nënshkrimin e tij.
“Ne kemi shumë oferta për të, duke përfshirë një zgjatje të kontratës. Ne do të shohim se çfarë është më e mira për të”, tha Raiola për Sport 1.
A kanë marrë ndonjë ofertë nga Bayern Munich?
“Jo ende, por ndoshta do të vijë nesër. Duhet ta pyesni Bayernin. Ne përballemi me gjithçka, por Bayern është i vetmi që mund ta përballojë atë. Mendoj se do të dimë më shumë pas dy muajsh. I vetmi klub gjerman që mund ta bëjë këtë [nënshkrimi me Pogba] është Bayern Munich. Por edhe ata nuk mund t’i afrohen pagës së Palit. Gjermanët janë në fund të piramidës ndërkombëtare të pagave.”-shtoi ai.
Raiola pohoi gjithashtu se mbrojtësi i Juventusit, De Ligt ishte afër transferimit në Allianz Arena.
“A e dini në të vërtetë se ne pothuajse e sollëm Matthijs de Ligt në Mynih? Ne mbajtëm bisedime pozitive dhe është turp që nuk funksionoi në fund”.-theksoi agjenti i lojtarëve.
De Ligt iu bashkua Juventusit nga Ajax në një marrëveshje prej 85 milionë euro në vitin 2019. Kontrata e 22-vjeçarit skadon në qershor 2024 dhe nga vera, ai do të ketë një klauzolë lirimi prej 150 milionë euro të përfshirë në kontratë.
Së fundmi, por jo më pak e rëndësishme, Raiola diskutoi për të ardhmen e Erling Haaland, i cili nuk ka shanse të kalojë në Serie A në të ardhmen.
“Ai do të bëjë hapin tjetër. Bayern, Real, Barca, City. Këto janë klubet e mëdha ku ai mund të shkojë. Do të vijë koha dhe këtë e di edhe Borussia Dortmund. Kur? Ndoshta këtë verë, ndoshta tjetër. Por ka një shans të madh që ai të largohet këtë verë.”-shtoi ai./K.T/Gijotina.com
Discussion about this post