Bashkimi Evropian ka akrivizuar Mekanizmin e Mrojtjes Civile duke marrë shkas nga zjarret që kanë pushtuar shumë vende të Evropës përfshirë dhe vendin tonë.
Është bërë e ditur që Bashkimi Evropian do të ofrojë ndihmë edhe për Shqipërinë ku do të dërgojë dy helikopterë nga Çekia dhe Holanda.
Bashkimi Evropian ka bërë të ditur se dy aeroplanë zjarrfikës Canadair nga Franca po dërgohen në zonat e prekura në Itali për të filluar operacionet e shuarjes së zjarrit sot ndërsa dy avionë zjarrfikës nga Qipro po mbështesin Greqinë, në krye të një ekipi zjarrfikës për të mbështetur operacionet në terren.
Sllovenia po dërgon një ekip prej 45 zjarrfikësish në Maqedoninë e Veriut. E gjithë ndihma mobilizohet përmes Mekanizmit të Mbrojtjes Civile të BE-së, me bashkëfinancim nga Komisioni me 75 % të kostove të transportit.
