Dy shpërthime të fuqishme kanë tronditur sot Kievin. Raketat ruse mbi qendrën e Kievit kanë shpërthyen pranë ambasadës britanike. Kjo është konfirmuar nga mediat.
Deri tani raportohet për tre të plagosur. “U goditën katet e poshtme të një ndërtese banimi’ në Kiev në lagjen Shevchenkivskyi. Në vend ndodhen ekipe shpëtimi dhe mjekë. Gjithashtu po kontrollohen edhe shtëpitë fqinje dhe po nxirren njerëzit. Deri më tani janë tre të lënduar të cilët janë shtruar në spital.’’- shkruan kryetari i bashkisë së Kievit, Vitali Klitschko.
Sulmet kanë ndodhur në një kohë kur Sekretari i Përgjithshëm i OKB-së Antonio Guterres dhe presidentit ukrainas Volodymyr Zelensky po zhvillonin konferenca për shtyp.
Discussion about this post