Rakip Suli jep 30 MLN lekë për një lojë rrëshqitëse dhe disa lëkundëse për fëmijë, tenderi pa garë

Vazhdojnë bëmat e Rakip Sulit me tenderët abuzivë. Suli është një nga ata kryebashkiakë që po bën më shumë zhurmë dhe shpenzime për asgjë. Ne vazhdimisht kemi raportuar tenderët për shtrim rrugësh apo mbjellje pemësh, por janë shoqëruar me shkelje dhe në terren nuk ka në sjellë ndryshime.

Ndërkohë, kryetari i Kamzës ka hapur një tender për ndërtimin e një parku lojërash.

Do të donim që të paktën fëmijët të mos i zhgënjente dhe paratë të shkojnë në destinacion. Bëhet fjalë për prokurimin me objekt ‘Kënd lojërash për fëmijë’, që në fakt është zhvillua nga “Ndërmarrja e Pastrim Gjelbërimit e Treg Kamëz”, me Autoritet Prokurues, Bashkinë Kamëz. Pra, fjalën dhe firmën e fundit e hedh kryetari Suli.

Për këto lodra do të shpenzohen 30 milionë lekë, ndërsa kontrata jepet pa garë. Në tabelën më poshtë shohim se do të blihen 4 rrëshqitëse me kulla, 3 rrotulluese hekuri, 6 lëkundëse të vogla suste dhe 3 pelikundëse.

Epo tashmë edhe ju besojë e kuptoni se 30 milionë lekë janë shumë para për vetëm këto lodra, dhe nuk mund ta imagjinojmë se sa do të shpenzonte Suli nëse do të ndërtonte një park lojërash më të madh edhe më me shumë aktivitete.

Ndërkohë po të marrim  një krahasim me sa shiten këto lodra në treg shohim një diferencë të madhe në çmimi.

Këndi i lojërave që shihni më poshtë përfshinë të gjitha lodrat që kërkon Suli dhe kushton 4000 euro pasi është përdorur disa muaj. Ndërsa i ri kushton 8500 euro.

Duket që komisioni i tenderit ua ka futur me top çmimeve, kur ka përllogaritur fondin limit. Skandalet e këtij prokurimi nuk mbarojnë me kaq!

Edhe lodrat për fëmijët Suli i blen pa garë. Në dokumente shohim se vetëm kompania “FALGEO” sh.p.k ka paraqitur një ofertë me vlerë 28 milionë lekë. Që këtu tenderi duhej anuluar për mungesë konkurrence dhe ofertash të përshtatshme.

Në mungesë të një gare të rregullt, Suli ka firmosur kontratën me firmën FALGEO sh.p.k. Kontratë është vlerësuar nga Open data Albania me ‘Flamur të kuq’ duke shënuar në këtë mënyrë riskun e korrupsionit.

©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.