Dy kryeministrat shqiptarë Edi Rama dhe Albin Kurti kanë konfirmuar se do të jetë në Slloveni në 28 dhe 29 gusht. Ata janë ftuar në Forumin Strategjik Bled. Të dy do të jenë folës në panelet e forumit dy ditor që zhvillohet në qytezën turistike pranë liqenit të Bledit.
Pjesëmarrja e tyre merr rëndësi pas fërkimeve dhe bojkoteve që i bën njëri tjetrit, pasi Rama anuloi mbledhjen e dy qeverive. Ky forum do të mundësojë ndoshta një takim pas krisjes që erdhi si pasojë e anulimit të mbledhjes së 14 Qershorit në Gjakovë. Gjithashtu ndikuan edhe kritikat publike të Ramës ndaj qeverisë në Prishtinë në lidhje me përplasjet me Serbinë, ku ai mori anën e Vuçiçit.
Reagimi i Kurti ishte kushtëzimi i takimit me Kryeministrin Rama si pjesë e turit të tij ballkanik, duke theksuar se më parë duhet të bëhej mbledhja e dy qeverive. Ndonëse Rama firmosi marrëveshjet e parashikuara për t’u nënshkruar në mbledhjet e dy qeverive në Prishtinë, Kurti sërish refuzoi takimin. Refuzimi i dytë i Kurtit ndaj Ramës erdhi më 17 Korrik duke mos marrë pjesë në një takim informal krerët e Ballkanit Perëndimor të organizuar në Tiranë.
A do të ketë një takim “kokë më kokë” mes Ramës dhe Kurtit në Slloveni? Vuçiçit tashmë i kanë rënë aksionet dhe Kurti mund të jetë më i mirë për një foto.
Forumi Strategjik Bled është një “platformë globale për gjenerimin e ideve dhe shkëmbimin e pikëpamjeve mbi shoqërinë bashkëkohore dhe të ardhmen e saj. Në forumin strategjik të Bled-it do të marrin pjesë krahas Kryeministrave Rama e Kurti edhe Presidenti serb Vuçiq, Kryeministri maqedonas Kovaçevski si dhe Presidenti i Këshillit Evropian Charles Michel.
Gijotina.com
Discussion about this post