Në konferencën për mediet që po zhvillon sot kryeministri Edi Rama, ka treguar edhe prioritet që duhet të ketë policia e shtetit dhe qeveria në dy vitet e ardhshme. Ai tha se të gjithë organet përgjegjëse duhet të punojnë më shumë për luftën kundër krimit të organizuar.
“Lufta kundër krimit është prioriteti i prioriteteve, përfshirë të gjitha aspekte e saj dhe është një front ku është bërë progres i dukshëm, por ku ka ende shumë për të bërë dhe ku posaçërisht ndjehet ende mungesa e të njëjtit efikasitet, siç psh. ka pasur operacioni forca e ligjit apo në tërësi kjo pjesë e organizimit policor te lufta kundër krimit financiar, ekonomik”, tha Rama.
Sakaq, ai renditi si prioritet të dytë rritjen e sigurisë rrugore. Rama tha se nuk do të bëhet asnjë tolerim për ata që shkelin rregullat rrugore. Sipas tij policët duhet të kenë parasysh dhe të ndëshkojnë edhe ata persona që dëmtojnë mjedisin. Por, më fokus në zbatimin e plotë të ligjit për qarkullimin rrugor. “Prioriteti i dytë është ngritja në një nivel sigurie më të larët e gjithë e qarkullimit rrugor dhe paralelisht me këtë vendosja e një kontrolli absolut mbi territorin e Shqipërisë, jo vetëm mbi aspektin e veprimtarisë kriminale, apo shkeljes së ligjit, por veprimtarinë kriminale dhe shkeljen e ligjit që kanë të bëjnë me vetë Shqipërinë, territorin, me trupin e mrekullueshëm të këtij vendi që dora e robit e ka kthyer rëndom në një ferr për banorët e vet. E patolerueshme të ndodhin para syve të policisë”, u shpreh ai. Ndërsa tregoi se tani e tutje, mjetet dhe efektivët e kontrollit policor në rrugë do të shtohen, si dhe kërkesa ndaj këtyre të fundit për të qenë sa më të rreptë. E.H/ gijotina.com/
Discussion about this post