Edi Rama emëroi sot Blendi Gonxhen ministër të Ekonomisë, Kulturës dhe Inovacionit, duke krijuar në këtë mënyrë një supër-Ministri, që ia ka besuar njërit prej bashkëpunëtorëve të tij të vjetër, që dikur e ka pasur shef kabineti në Ministrinë e Kulturës dhe më pas zv.Kryetar kur drejtonte Bashkinë e Tiranës.
Në një reagim në rrjetet sociale, Irena Beqiraj, ish-zv.ministre e Financave në qeverisjen e PS-së, shkruan se kohët e vështira kërkojnë edhe kombinacione të cuditshme, duke iu referuar kështu bashkimit të 3 fushave në një ministri.
Por Beqiraj, sjell në vëmendje miliona euro që janë alokuar nga Ministria e Financave për inovacionin, më konkretisht blerjen e programit të intelegjencës artificiale për prokurimet, që do të administrohen tashmë nga Gonxhe me funksionin e ministrit.
“Pra inovacioni do të jetë kanali ku do të rrjedhin një pjesë e mirë e buxhetit të shtetit këtej e tutje.
Projektet strategjike, edhe agjensia e trajtimit të tyre AIDA, koncensionet / PPP edhe agjensia e trajtimit të tyre ATRAKO, ku merren vendime edhe menaxhohen interesa të mëdha ekonomike po ashtu janë pjesë e digasterit të Ministrisë së Ekonomisë.
Në këtë pjatë të mbushur me interesat me të mëdha ekonomike, duhej një garniturë si “Kultura” me anë të së cilës publiku të tresë “përqendrinin e fuqisë ekonomike edhe të parasë” në një dorë të vetme”, shkruan Beqiraj.
Postimi i Irena Beqirajt
Blendi Gonxhes sot ja di, e ja qan hallin vetëm Arben Ahmetaj!
Një ministër për Ekonominë Kulturën edhe Inovacionin . Sado i vështirë të duket kombimini i këtyre digastereve , kohë të vështira kërkojnë edhe kombinacione të cudicme.
60 milionë euro ka alokuar vetëm me një të rënë të lapsit Ministria e Financave në fund të Dhjetorit 2023 për blerjen e programit të intelegjencës artificiale për prokurimet .
Të tjera qindra milionë euro do të kërkohen për të blerë inovacion sa frengu pulën me qëllim instalimin e ” AI -tokracisë” .
Pra inovacioni do të jetë kanali ku do të rrjedhin një pjesë e mirë e buxhetit të shtetit këtej e tutje.
Projektet strategjike , edhe agjensia e trajtimit të tyre AIDA, koncensionet / PPP edhe agjensia e trajtimit të tyre ATRAKO , ku merren vendime edhe menaxhohen interesa të mëdha ekonomike po ashtu janë pjesë e digasterit të Ministrisë së Ekonomisë .
Në këtë pjatë të mbushur me interesat me të mëdha ekonomike , duhej një garniturë si “Kultura” me anë të së cilës publiku të tresë ” përqendrinin e fuqisë ekonomike edhe të parasë ” në një dorë të vetme.
Edhe zgjedhjen e ” dorës së vetme” që menaxhon fondet publike Kryeministri ynë e ka mjeshtëri. Të gjithë ato që kanë marrë detyra te tilla kanë kaluar testet e nevojshme për ti merituar këto vende . Ato jo vetëm janë të gatshëm të përdoren , por kur duhet dhe e lips nevoja ,do të pranojnë pa bërë zë, etiketimet e liderit si “vemje” edhe akuzat e tij se kanë ngrenë kumbulla, dardha, mollë e portokalle , prapa kurrizit të liderit të tyre besimplotë, edhe partisë socialiste .
Nuk ka Gonxhe që” lulëzon” më nën këtë diell .
Besoj më shumë se kushdo tjetër, Gonxhes sot ja ja di e ja qan hallin Arben Ahmetaj
Discussion about this post