Presidenti ukrainas Volodymyr Zelensky, i cili ishte i pranishëm në Samitin e Ukrainës që u mbajt në Tiranë, kërkoi nga vendet e Ballkanit një bashkëpunim të mundshëm për prodhimin e municioneve, për të cilat Ukraina ka nevojë në përballjen e saj me agresionin rus.
Deklarata e përbashkët, e miratuar në fund të takimit, i bënte ndërkohë thirrje komunitetit ndërkombëtar që të rrisë fuqishëm mbështetjen për Ukrainën.
Një prej pjesëmarrësve në Samit ishte edhe Presidenti i Serbisë, Aleksandar Vuçiç, i konsideruar si mik nga Kryeministri Edi Rama. Ky i fundit në jo pak raste e ka trajtuar Vuçiçin jo thjesht si partner, por është kujdesur edhe për ta “mbrojtur” ndërkombëtarisht për vijën që Presidenti serb ka ndjekur në raport me Rusinë.
Një foto e realizuar nga Armando Babani, ku shfaqet Zelensky teksa vështron Presidentin serb Aleksandër Vuçiç në samitin e Tiranës po kthehet shumë shpejt virale në rrjetet sociale.
Foto s’ka nevojë për komente, pasi duket qartazi shikimi aspak miqësor që Zelensky i ka bërë Vuçiçit, i cili parakalon pa shkëmbyer vështrimet me Presidentin e Ukrainës.
Discussion about this post