Kryeministri i Shqipërisë Edi Rama, ka zhvilluar ditën e sotme një takim me shefin e kompanisë së vaksinave “Pfizer” Albert Bourla, ku kanë parë nga afër kushtet e ruajtjes sa vaksinave.
Kryeministri i vendit, tregohet mirënjohës e falënderues ndaj shefit të “Pfizer” për vaksinat.
Në anën tjetër kryeministri Rama, harron se pjesa më e madhe e popullsisë në vendin tonë është vaksinuar me vaksinat kineze e ruse. Kujtojmë këtu se, dozat e “Pfizer” kanë qenë në një numër shumë herë më të ulët, në krahasim me kompanitë e tjera.
“Dua edhe njëherë të jem shumë qartësisht mirënjohës, pasi tani kohët janë ndryshe, jemi më shumë të relaksuar, ka më shumë mundësi, por pa ju në fillim, ky vend do të kishte vuajtur shumë psikologjikisht nga pamundësia për të nisur vaksinimin. Ju hapët dyert kur edhe Nju Jorku ishte i mbyllur plotësisht. Edhe ne në zemër të BE-së, kur shikonim të tjerët që kishin nisur, dhe të mos kishim vetë të fillonim ishte shumë e rëndë” tha Rama.
Bisedën në fund, Rama e mbyll me batutën: Edhe pse origjinën e keni nga Ballkani, nuk jeni një ballkanas tipik, sepse kur ju thashë, më thatë po kuptoj, nuk ju premtoj, por do të bëj më të mirën. Ishim së bashku me Ogertën, dhe thashë se jam i sigurt se do ta mbajë fjalën se po të kishit thënë menjëherë “PO”, do të ishte thjeshtë sa për të na…”
Ka pasur një sërë akuzash nga deputetët e opozitës, por edhe nga qytetarë të ndryshëm të cilët kanë pohuar se sigurimi i një doze të “Pfizer” kërkon të kesh mik në institucionet shtetërore shëndetësore, duke treguar dhe një herë tjetër numrin e ulët të dozave të kësaj kompanie.
