Ish-ministrit dhe ish-deputeti i LSI-së (sot PL) Vangjel Tavo është emëruar prefekt i Qarkut të Vlorës. Vendimi që mban firmën e kryeministrit Edi Rama është marrë këtë të mërkurë në mbledhjen e qeverisë.
Tavo zëvendëson në këtë detyrë Flamur Mamajn. I emëruar prefekt i Qarkut të Vlorës më 2017-ën, ai është liruar nga detyra me një vendim të Këshillit të Ministrave ditën e sotme.
Po ashtu, në mbledhjen e sotme, është liruar nga detyra prefektja e Fierit Rajmonda Balilaj.
Vendimet janë propozuar nga ministri i Brendshëm, Taulant Balla.
Disa javë më parë, emri i Tavos u raportua nga mediat greke si i zgjedhuri i Ramës për tu projektuar në krye të bashkisë së Himarës. Zërat u mohuan më pas nga kreu i qeverisë Rama.
Discussion about this post