Granit Gjana, i cili ishte zv.Kryetar në Bashkinë e Kukësit që drejtohej nga Safet Gjici, është emëruar në postin e Prefektit të Qarkut Kukës.
Gjana është thirrur nga SPAK lidhur me hetimet që kjo prokurori ka nisur nga Safet Gjicit pas video-skandalit të publikuar që çoi në shkarkimin e tij nga posti i Kryebashkiakut.
Për të zgjedhur kryebashkiakun e ri të Kukësit, qytetarët do të votojnë në 24 shtator mes Albert Halilajt të PS-së dhe Emri Vatës që mbështetet nga koalicioni “Bashkë Fitojmë”.
Halilaj u emërua pak kohë më parë në postin e Prefektit, por duke qenë se është edhe kandidat për kryebashkiak në zgjedhjet e pjesshme vendore në Bashkinë e Kukësit, ai u lirua sot nga kjo detyrë.
Në vend të Halilajt, Qeveria ka emëruar Granit Gjanën, emri i të cilit përmendet edhe në video-skandal nga Gjici, teksa fliste me personazhin Alma K. për tenderin e sterilizimit të qenve të rrugës.
Gjana luajti rolin e Kryebashkiakut të Kukësit për disa javë, duke zëvendësuar Safet Gjicin, i cili ndodhet në paraburgim, ndërsa SPAK po heton akuzat ndaj tij.
Discussion about this post