Rama harron njerëzit e tij që mbetën dyerve të SPAK, komenton kandidatët e PD: Janë bir Selmani i nënës…

Kryeministri Edi Rama ndodhet sot në Shkodër, në kuadër të fushatës elektorale për zgjedhjet e 11 Majit, ku ka prezantuar kandidatët për deputet.

Gjatë fjalës së tij, Rama është marrë me kandidatët e opozitës, ku tha se ka respekt vetëm për një deputete aktuale, ku i referohej Greta Bardelit, ndërsa të tjerët sipas tij, janë “bir Selmani i nënës kë të qaj më parë”.

Rama duket se “harron” të merret me kandidatët e tij, ku përveç emrave që përflitet se kanë mbështetje nga krimi, “peshqesh” socialistëve të Shkodrës iu futi në listë të mbyllur një emër pa asnjë kontribut, Xhenis Çela, vajza e deputetit aktual Agron Çela, të cilin “e bleu” në mes të sezonit ga LSI dhe tani po e shpërblen për mbështetjen që i dha në zgjedhjet lokale.

“Dua të bëj një përjashtim, ka vetëm një zonjë aty që nuk bën pjesë, që unë kam respekt se është gjë tjetër në atë listë që është deputete aktuale. Të tjerët aty janë nuk e di…andej nga jugu thonë: Bir Selmani i nënës kë të qaj më parë. Nëse ka një vend që demokratët për të gjitha arsyet që thashë, kanë edhe një arsye plus që tju bëjnë atë që nuk thuhet në kokë, atyre që janë paraqitur si ofertë alternative e kësaj skuadre tonë është Shkodra. Janë bëmat e tyre në Shkodër. Pa pikë trupi këta duan vota për Shkodrën Madhështore. Por cila është Shkodra madhështore e tyre, sepse s’kemi as Jozefinën këtu se e kanë marrë e kanë mbyllur në burgun e listës së mbyllur të Tiranës”, – deklaroi Rama.

Rama e ka cilësuar programin e demokratëve si një program me “qofte e pica”, ndërkohë që akoma nuk ka dhënë një premtim për qytetarët, duke u mbajtur pas pasaportës europine, premtim që nuk është në dorën e tij, por të Bashkimit Europian.

Ai shtoi se nese fiton PD “do të mbushen trotuaret me tava dheu, krap, ngjala, vezë e qofte”.

“Edhe për atë programin me qofte e pica, me llojet e tavave të dheut, që në 12 maj do të shtrohen në të gjitha rrugët e Shqipërisë, do të mbushet Shkodra, i thashë Benetit se duhet me pastruar trotuaret se bo vaki fiton këneta, dhe do mbushen trotuaret me tava dheu, krap, ngjala, vezë e qofte”, tha Rama.