Për krimin horror në Fier, ku u vra barbarisht nga fqinji 38-vjeçar, vogëlushi Mateo Vllasiu, kryeministri Edi Rama tha se këto janë raste të përsëritura për shkak të vendimit të padrejtë të gjyqtarëve të korruptuar.
Ai hoqi peshën e fajin nga policia, ndërsa fajësoi gjyqtarët për vendimet e tyre, dhe theksoi se kjo është arsyeja se përse procesi i Vettingut është jetik dhe duhet të vazhdojë ende.
“Problemi kryesorë që ne kemi, është raporti shumë i zhdrejtë midis rezultateve të operacioneve të policisë, për abuzime ndaj personit, dhunë ndaj personit me numrin e të dënuarve nga gjykata. Bashkautor në të gjitha krimet e përsëritura ose në shumicën dërrmuese të tyre janë gjykatësit e korruptuar, të degjeneruar, të cilët janë dhe arsyeja se procesi i Vettingut është jetik dhe vazhdon. Njerëzit janë në të drejtën e tyre të kërkojnë ndryshimin e sjelljes se eficensës së sistemit të drejtësisë, menjëherë, por kjo nuk ndodh dot, sepse nuk është një çështje thjesht e aprovimit të ligjeve të duhur apo e pastrimit të llumit, por është një çështje e plotësimit të boshllëkut nga largimi i llumit të duhur”, tha kreu i qeverisë.
Për Ramën, ata që thonë se reforma në drejtësi është një dështim, nuk dinë se çfarë flasin.
Discussion about this post