Kryeministri Edi Rama ka reaguar në rrjetet sociale lidhur me ngjarjen e rëndë të regjistruar në Vlorë ku një kamarier u dhunua nga oficeri i Policisë Kufitare në Dibër, Ardian Isufi, pasi ka dërguar një shishe uji gabimisht në tavolinën e tij.
Pas reagimeve të shumta kundër aktit të rëndë, kryeministri Edi Rama ka ndërhyrë me anë të një statusi, ku ka konfirmuar edhe njëherë se institucionet veprojnë me urdhër direkt nga ai, e nuk analizojnë rastin apo provat për një ngjarje të caktuar. Ndërsa Drejtori I Përgjithshëm I Policisë Ilir Proda, njoftoi pezullimin, kryeministri Edi Rama njoftoi përjashtimin e menjëhershëm të tij, madje e çoi edhe në gjyq.
Rama shkruan se pezullimi nga detyra i efektivit të Policisë së Shtetit Dibër, që jashtë shërbimit ka marrë pjesë në një konflikt të shëmtuar fizik në Vlorë, është vetëm masa e parë që duhet të pasohet nga përjashtimi i këtij individi pa kthim në radhët e policisë, si edhe nga dorëzimi i tij në duart e drejtësisë sapo të dalë nga spitali.
Kreu i qeverisë shton se në pakon e masave të reja të reformës së kontrollit të territorit, janë përshirë edhe rritje të peshës së përgjegjësisë para ligjit të të gjithë punonjësve të shtetit që operojnë në kontakt më komunitetet e me qytetarët, të cilëve nuk do t’u tolerohen shkeljet e asnjë natyre që cenojnë komunitetin apo qytetarin, qoftë gjatë orëve të shërbimit qoftë jashtë orëve të shërbimit.
REAGIMI:
Pezullimi nga detyra i efektivit të Policisë së Shtetit Dibër, që jashtë shërbimit ka marrë pjesë në një konflikt të shëmtuar fizik në Vlorë, është vetëm masa e parë që duhet të pasohet nga përjashtimi i këtij individi pa kthim në radhët e policisë, si edhe nga dorëzimi i tij në duart e drejtësisë sapo të dalë nga spitali.
Ndërkohë në pakon e masave të reja të reformës së kontrollit të territorit, janë përshirë edhe rritje të peshës së përgjegjësisë para ligjit të të gjithë punonjësve të shtetit që operojnë në kontakt më komunitetet e me qytetarët, të cilëve nuk do t’u tolerohen shkeljet e asnjë natyre që cenojnë komunitetin apo qytetarin, qoftë gjatë orëve të shërbimit qoftë jashtë orëve të shërbimit.
*Shembull: Çdo punonjës i shtetit që zotëron një ngrehinë pa leje për qëllim fitimi apo që shfrytëzon një hapësirë publike për të nxjerrë fitim, përveç ndëshkimeve të njëjta për të gjithë do të ndiqet penalisht dhe do përjashtohet nga detyra pa të drejtë kthimi në sektorin shtetëror për një numër të konsiderueshëm vitesh.
Discussion about this post