Kryeministri Edi Rama i ftuar në emisionin ‘Të Paekspozuarit’ në MCN TV e nisi këtë intervistë duke u ulur në vendin e moderatorit të emisionit Ylli Rakipi duke ‘rrëmbyer” të vetmen karrige që i ka mbetur pa marrë.
Ai tha se edhe pse del përditë në media, sot do të thotë edhe ato gjëra të pa thëna deri tani, ose që ai vetë nuk ka dashur ti thotë.
“Të nderuar teleshikues mirëmbrëma! Si njeriu më i ekspozuar u ftova te “Të Paekspozuarit” dhe mu rezervua një karrige e keqekspozuar. Pas një debati jodemokratik me autorin e emisionit, zura karrigen që më takon, thjesht për të thënë që unë mund ta marr edhe këtë karrige, por jo për të qëndruar këtu.
Kështu që, duke ju falenderuar për faktin që jemi përballë ekranit dhe duke ju siguruar që të ekspozohem, edhe pse më shikoni në televizion çdo ditë, mbase nuk ju kanë rënë në vesh, ose mbase unë nuk ka dashur t’i them disa gjëra, por Ylli Rakipi është këtu bashkë me dy kolegë të Yllit, jo të mitë që të mi nxjerrin. Faleminderit dhe për publicitet po ju kaloj Ylli Rakipin”, tha ai.
Discussion about this post