Pas deklaratës së kryeministrit Edi Rama në konferencën e jashtëzakonshme që po mban në selinë rozë, ish-kryeministri Sali Berisha ka bërë lëvizje e menjëhershme. Berisha njofton se do të dalë në një konferencë për mediat në orqn 12:30.
Kujtojmë që Rama foli sot në lidhje me hetimet e SPAK dhe “non-gratat” duke u ndalur veçanërisht tek ish-kryeministri Berisha.
Kreu i qeverisë shprehu sot në konferencë qëndrimin e tij lidhur me nevojën që SPAK-u të hetojë në mënyrë gjithëpërfshirëse korrupsionin e politikanëve dhe gjykatësve e prokurorëve të korruptuar, ndërsa theksoi se askush nuk mund ta ndalë të shprehë opinionin e tij për punën e drejtësisë së re.
Rama nuk la pa sulmuar opozitën, ku tha se njeri kundërshtar është i vdekur dhe tjetri është i gjallë në gjumë.
“Reforma në Drejtësi është mbështetur nga populli shqiptar. Këtu nuk është çështje e një luftë politike, politikisht nëse do e shihja në mënyrë cinike, as me dorë nuk e vizatoja dot, kundërshtarin njërin, tjetrin, tjetrin. Janë të gjithë si të vizatuar me dorë nga dora e dikujt që më do më shumë mua seç dua unë veten time. Ai është një kundërshtar i vdekur, ose një tjetër që është gjallë se fle gjumë. Nuk jemi këtu për këtë por akuza është aq e fortë dhe aq e drejtëpërdrejtë sa nuk ka ku të shkojë. Nuk mund të vihet në punë as besimi dhe as serioziteti i SHBA. Se u bë një vit që njerëzit dëgjojnë se kjo na qenka një konspiracion ku është përfshirë edhe DASH dhe as nuk mund të vihet në pikpyetje serioziteti i drejtësisë së re. Drejtësia duhet ta thotë nëse ka çështje penale. Se morale e politike këto janë të qarta e të zgjidhura.”- tha Rama.
Discussion about this post