Kur Kryeministri Rama mblodhi para një jave, me 24 korrik 205, qeverinë u duk si një aksion për “çlirimin e hapësirave”. Me sa duket, aksioni kaq ishte, sepse qeveria po ikën me pushime.
Kryeministri Edi Rama ka njoftuar zyrtarisht se qeveria ka hyrë në fazën e pushimeve verore. Edhe pse u paraqit fillimisht si një mbledhje pune, kreu i qeverisë u ka komunikuar ministrave se takimi i radhës do të zhvillohet në fund të muajit gusht, duke i dhënë kështu dritën jeshile nisjes së pushimeve.
Në këtë mbledhje, Rama ka lënë të kuptohet se emrat e kabinetit të ri qeveritar do të bëhen publikë pas përfundimit të pushimeve. Pritet që në fund të gushtit të mësohet se cilët ministra do të vijojnë me një mandat të dytë dhe cilët do të zëvendësohen, në funksion të performancës së tyre gjatë këtij mandati.
Gjatë muajve të fundit, Kryeministri ka kërkuar nga anëtarët e kabinetit angazhim të shtuar në terren, sidomos në zbatimin e aksionit për lirimin e hapësirave publike, të cilin e ka konsideruar pjesë të “reformës për zhvillimin e territorit”. Ai ka kërkuar rezultate konkrete dhe qartësi në zbatimin e reformave, duke mos kursyer kritikat ndaj atyre që nuk kanë përmbushur pritshmëritë.
Ndryshime priten edhe në strukturat e Partisë Socialiste, me Ramën që ka paralajmëruar një vjeshtë aktive dhe jo të qetë për socialistët, duke lënë të hapur skenarin e një riformatimi të thellë politik brenda partisë.
Kujtojmë se Kryeministri Edi Rama mblodhi qeverinë para nje jave në periferi të Tiranës, në një mbledhje të formës “retrat” me fokus realizimin e objektivave dhe reformave të nisura në terren.
Kabineti qeveritar raportoi lidhur me ecurinë në sektorin përkatës dhe për përmbushjen e detyrave të ngarkuara.
Mbledhja vjen në vijim të operacioneve për lirimin e hapësirave të zëna në mënyrë të paligjshme dhe në kushtet kur ka nisur reformimi i të gjitha njësive të qeverisjes vendore.
Discussion about this post