Kryeministri Edi Rama duket se po e “shijon” shumë situatën e paprecedentë të krijuar në PD, sidomos pas protestës së djeshme të thirrur nga ish-kryeministri Sali Berisha, ku tensionet mes palëve arritën kulmin.
Përmes një postimi në rrjetin social “Facebook”, Rama ka bërë me dije se mesditën e sotme do të zhvillojë një bashkëbisedim me demokratët në lidhje me këtë situatë të pazakontë të zhvilluar brenda kampit të tyre politik.
Ndërkohë një ditë më parë kryeministri i quajti Bashën dhe Berishën kufoma politike, ndëra i bëri demokratëve një thirrje: “Ejani t’i japim ç’mundemi Shqipërisë, të bashkuar si shqiptarë, si qytetarë, si njerëz”.
Gjatë protestës së djeshme u dëmtuan dritaret dhe dyert e selisë, dhe për shkak të tensioneve Basha kërkoi ndërhyrjen e Policisë së Shtetit pasi u rrezikohej jeta atyre që ishin në godinë.
Discussion about this post